Shafaq ki jheel main jab sang-e-aaftab giray
Hamaray ghar pe siyah raat ka azaab giray
Kahin to gardash-e-ayaam thak kar saans bhe le
Kahin to khaima-e-aflaak ki tanaab giray
kisi ke raigaan ashkon ka kuch to hisaab kar
Falak se youn to sitaray bhe be-hisaab giray
Kahin to silsal-e-intizaar khatam bhe ho
Kisi tarah to yeh deewar-r-aztaraab giray
Ghazal ke roop main woh roo barr jo hon mohsin
Labon se lafz urain , Hath se kitaab giray
No comments:
Post a Comment