Hawa thami thi zaroor lakin
Woh shaam jaisay sisak rahi thi
Keh zard paton ko andhiyon ne ajab qissa suna diya tha
Keh jis ko sun ke tamam patay sisak rahay thay
Bilak rahay thay
Janay kis sanhay ke gham main
Shajar jaraon se ukhar rahay thay
Bhout talasha tha hum ne tum ko
Her aik rasta her aik wadi
Her aik parbat her aik ghati
Kahin se teri khabar na aye
To yeh keh kar hum ne dil ko tala
Hawa thamay ge to dekh lain ge
Hum us ke raston ko dhoond lain ge
Magar hamarai yeh kush khyali
Jo hum ko barbaad kar gaye
Hawa thami thi zaroor lakin
Bari hi mudat guzar chuki thi
Hamaray balon ke junglon main safaid chandi utar chuki thi
No comments:
Post a Comment