Meray be-rabat khyalat main kiya rakha hai
Main to pagal hoon meri baat main kiya rakha hai
Baandh rakha hai teri yaad ne mazi se mujhay
Warna guzray huye lamhaat main kiya rakha hai
Meri takmeel teri zaat se hi mumkin hai ae ajnabi
Tu alag ho to meri zaat main kiya rakha hai
Youn shab-o-roz teray dam se hi tabinda hain
Warna in gardash-e-halaat main kiya rakha hai
Umar bhar sath nibhayo to koi baat banay
Chand lamhon ki mulaqaat main kiya rakha hai
No comments:
Post a Comment