Meray be'rabat khyalaat main kiya rakha hai
Main to pagal hoon meri baat main kiya rakha hai
Bandh rakha hai teri yaad ne mazi se mujhay
Warna guzray huye lamhaat main kiya rakha hai
Meri kushi meri takmeel teri zaat se hi mumkin hai
Ae ajnabi tu alag ho to meri zaat main kiya rakha hai
Yeh shab-o-roz teray dam se hi tabinda hain
Warna in gardash-e-halaat main kiya rakha hai
Umar bhar sath nibha'yo to koi baat banay
Chand lamhon ki mulaqaat main kiya rakha hai
No comments:
Post a Comment