Aabla'pa koi is dasht main aaya ho ga
Warna aandhi main diya kis ne jalaya ho ga
Zarhay zarhay pe jurray hon gay kanwaray sajday
Aik ik butt ko khuda us ne banaya ho ga
Pyaas jaltay huye kaanton ki bichaai ho gi
Ristay pani ko hathaili pe sajaya ho ga
Mil gaya ho ga agar koi sunehra pathar
Apna toota hua dil yaad to aaya ho ga
Khoon kay cheentay kahin pooch na lain rah'ru se
Kis ne veeranay ko gulzar banaya ho ga
No comments:
Post a Comment