Judai ke mousam main
Judai ke mousam main
utarti shaam se pehlay
meri yak'basta aankhon main
khamoshi raqas karti hai
to is ki yaad ki payal
youn meray kaan main aa kar
musal'sal chan'chanati hai
to phir yak dam khamosi ka
tasal'sul toot jata hai
phir aisay main koi koyal
baray hi karb se koo'ky
to youn mehsoos hota hai
keh jaisay be'sabab koi
kisi ko yaad karta hai
No comments:
Post a Comment