Kiyon kaafia radeef se mil kar ghazal abnay
Mil jaye jab abad se abad tab azal banay
Mehroom hai sukhan se qalam mera in dino
Chal khamshi kay khoul main shayed ghzal banay
Kehti hai mujh se aaj labon ki yeh tishnagi
Suraj mila dy barf main shayed ghazal banay
Bheegay say lafz, sard khayal , aur saans num
Shabnam kay aanson main hi aisi ghazal banay
Mehkain fiza main jab teri aamad ki khushbo'ein
Saanson ki lay main phir na bhala kiyon ghazal banay
Azaad hoon main za'ira lafzon ki qaid se
Meri nazar uthay to ufaq par ghazal banay
No comments:
Post a Comment