Main bhi aam si larki hoon
Tum ne mujhay koi sangi mujasama hi samjha
Keh jis par koi baat , koi dukh
Koi takleef asar nahin karti
Meray dosto
Dhoop ki chubhan mujhay bhi hoti hai
Kisi ka sakhat lehja mujhay bhi mehsoos hota hai
Baton kay teer mujhay bhi lagtay hain
Kisi mazboot baazu ka hisaar mujhay bhi chahiye
Aik Aaitbaar mujhay bhi chahiye
Aik ghar , aik dareechay ki khwaish mujhay bhi hai
Main koi sangi mujasama nahin hoon
Bhout aam si larki hoon
Kaash ! tum ne mujhay kabhi "Khaas" na samjha hota
No comments:
Post a Comment