Sakoot-e-shab hai
Tanhai hai
LAkin aisi tanhai
Keh jis main goonjti rehti hain sari un'kahi baatein
Jo dil main shor to karti hain
Lakin keh nahin paatay
Kisi kay door jatay paaon ki halki si woh aahat
KAbhi paton ki khar'khar main
Kisi kay loatnay ka shaq
Kabhi beetay palon ki goonj
Kabhi madham si sargoshi
KAbhi apnay hi andar chal rahi aandhi ki awazein
Sakoot-e-shab hai tanhai hai
Lakin aisi tanhai
Keh jaisay door tak phaila hua awazon ka jungle
No comments:
Post a Comment