kis qadar zulam dhaya kartay ho
yeh jo tum bhool jaya kartay ho
kis ka ab hath rakh ke seenay pe
dil ki dharkan sunaya kartay ho
hum jahan chaye peenay jatay hain
kiya woh ab bhi aya kartay hain
kon hai ab keh jis ke chaheray par
apni palkon ka saya kartay ho
kyn meray dil main rakh nahin detay
kis liye gham uthaya kartay ho
phone par geet jo sunatay thay
ab woh kis ko sunaya kartay ho
akhrai khat main us ne likha tha
tum mujhay yaad aya kartay ho
No comments:
Post a Comment