Udaas mat hua karo
Yeh ashk teri aankh ke
udaas shaam ki tarah
barha rahay hain dukh meray
adhooray jaam ki tarah
yeh khwaab to azaaab hain
jo aankh main sajaye hain
jo ranj-o-gham ke saye hain
yeh hum ne khud banaye hain
yeh dard dhul hi jaye ga
yeh waqat beey hi jaye ga
jo hum nahin to na sahi
koi to jeet jaye ga
jo tez kar de dharkanain
woh naam mat liya karo
jo ho sakay sanam to
hansi kushi jiya karo
udaas mat hua karo
udaas mat kiya karo
No comments:
Post a Comment