Us ki Awaz
Kitni shafaf hai yeh awaz
chashmay ki tarh se jis ne meray
andar ke tamam mousamon ko
aaina bana ke rakh diya hai
pathar ho keh phool ho keh sabza
taron ki baraat ho keh mehtaab
suraj ka jalal ho keh tan main
khawabon ki dhanak khinchi hui ho
barish ho , shafaq khili hui ho
her rut ka gawah us ka lehja
teh tak jissy aankh choo ke aye
kitni shafaf hai yeh awaz !
No comments:
Post a Comment