Woh shakhs keh main jis se mohabbat nahin karta
Hansta hai mujhay dekh kay , nafrat nahin karta
Ghar walon ko ghaflat pe sabhi koos rahay hain
Choron ko magar koi malaamat nahin karta
Detay hain ujalay meray sajdon ki gawahi
Main chuph kay andheron main ibaadat nahin karta
Bhoola nahin aaj bhi Aadaab-e-jawani
MAin aaj bhi auron ko naseehat nahin karta
Duniya main "Qateel" us sa munafiq nahin koi
Jo zulam to sehta hai baghawat nahin karta
No comments:
Post a Comment