Ajab apna haal hota , jo wisaal-e-yaar hota
Kabhi jaan sadqay hoti , kabhi dil nisaar hota
Jo tumhari tarah tum se koi jhootay waday karta
Tum hi munsafi se keh do , Tumhain aitbaar hota
Yeh maza tha dil-lagi ka keh brabar aag lagti
Na tujhay qaraar hota , na mujhay qaraar hota
Na maza hai dushmani main , na hai lutaf dosti main
Koi ghair ghair hota , koi yaar yaar hota
Teray waday pe sitam gar abhi aur sabar kartay
Agar apni zindagi ka hamian aitbaar hota
No comments:
Post a Comment