Ajeeb karb main guzri , jahan jahan guzri
Agarchay chahney walon ky darmiyaan guzri
Tamaam umar jalatay rahay chiraagh-e-umeed
Tamaam umar umeedon ky darmiyaan guzri
Guzar gai jo teray sath , yaad gaar hai woh
Teray baghair jo guzri , balaa-o-jaan guzri
Mujhay sakoon muyassar nahin to kiya gham hai
Gulon ki uamr to kaanton ky darmiyaan guzri
Ajeeb cheez hai , yeh gardish-e-zamana bhi
KAbhi zameen pe , kabhi misl-e-asmaan guzri
No comments:
Post a Comment