Be'faiz rafaqat main samar kis kay liye tha
jab dhoop hi qismat to shajar kis kay liye tha
pardes main sona tha to chhat kis kay liye dali
bahir hi nikalna tha to ghar kis kay liye tha
jis khaak se pooch ahai us khaak ki kushboo
pehchaan na paye to hunar kis kay liye tha
ay maadar-e-geeti , teri hairat bhi baja thi
teray hi na kaam aya to sar kis kay liye tha
youn shaam ki deh'shat se sar-e-dasht-e-irada
rukna tha , to phir sara safar kis kay liye tha
Parveen Shakir
No comments:
Post a Comment