Woh to youn the keh hum
apni apni zaroorat ki khatar milay !
Apnay apnay taqazon ko poora kiya
Apnay apnay iradon ki takmeel main
Teera-o-taar khwaish kay sang'lakh
Rahon pe chaltay rahay
Phir bhi raahon main kitna shagufay khilay
Woh to youn tha keh barhtay gaye sil'salay
Warna youn hai keh hum
Ajnabi kal bhi thay
Ajnabi ab bhi hain
Ab bhi youn hai keh tum
Her qasam tor do
Sabzidein chor do
Aur agar youn na tha
To youn hi soch lo
Tum ne iqraar hi kab kiya tha
Keh main tum se mansoob hoon
Main ne israar hi kab kiya tha
Keh tum yaad aayo mujhay
Bhool jaao mujhay !!!
No comments:
Post a Comment