Chandani raat ky hathon par sawaar utri hai
Koi kushboo meri dehleez ky paar utri hai
Is main kuch rang bhi hain khwaab bhi ai mehkaar bhi
Jhil'kilati hui khwaish bhi hai , inkaar bhi hai
IS kushboo main kai dard bhi , afsaney bhi
IS kushboo ne banaye kai dewaane bhi
Meray anchal pe umeedon ki qataar utri hai
Koi kushboo meri dehleez ky paar utri hai
Is kushboo se kisi yaad ky dar khulay hain
Meray pairon se jo liptay to safar ghultay hain
Yahi kushboo jo mujhay ghar se utha layi hai
Ab kis tor par palat kar janey nahin deti
Meri dehleez bulati hai mujhay , loat ayo
Yahi kushboo mujhay wapis nahin anay deti
Ranj aur dard main doobi yeh bahaar utri hai
Koi kushboo meri dehleez kay paar utri hai
No comments:
Post a Comment