.jpg)
Dard-e-dil ki ab mujhay dawa chahiye
Be'wafon se thori wafa chahiye
Mera maskan banay teray qalb-o-nazar
Naam honton pe teray saja chahiye
Jab talak dam main dam hai rahain saath hum
Aaj hum'dam kuch aisi dua chahiye
Meri baanhon main ik din sama jayein woh
Kiya mujhay aur is kay siwa chahiye
Apni jaan tak teray naam kar di sanam
Aur kiya tujh ko Ae be'wafa chahiye
Paas se jo guzar kar nazar phair lay
Phir na deni ussay kuch sadaa chahiye
Tu ne sajdon main maanga hai jis ko Muaan
Saath us ko kisi aur ka chahiye
No comments:
Post a Comment