Gosha aankhon kay dareechon main jo num sa ho ga
Dil ki gehraai main rista hua gham sa ho ga
Yaad ayein jo kabhi dhoondna veerano main
Hum na mil payein gay shayed koi hum sa ho ga
Ro'ey gi subha hamein shaam bhi muztar ho gi
Kuch bhatakti hui raaton ko bhi gham sa ho ga
Waqat ki dhoop to jhulsanay pe amada rahay
Jaan sambhalay huye rakhay woh jo hum sa ho ga
Hum samjh letay hain daghon kay sulagnay pe khalish
Dard jab had se guzar jaye to kam sa ho ga
No comments:
Post a Comment