Hawa talash karain , roshni talash karain
Hum aas paas kahin zindagi talash karain
Hum apni apni kushi to ganwa chukay hain sab hi
So dosron ki kushi main kushi talaash karain
Udasion ka sabab dhoondney se kiya ho ga
Jo hum se rooth gayi , woh hansi talaash karain
Gulon ko khilney ki aadat nahin rahi to phir
Labon se lipti hui tazgi talaash karain
Yahan ky log to apni tarah ky hain Mazhar
Jo apney jaisa na ho , Aadmi talaash karain
Poet : Muhammad Mazhar Niazi
No comments:
Post a Comment