Ibtada-e-ishq hai rota hai kiya
Ibtada-e-ishq hai rota hai kiya
aagy aagy dekhiya hota hai kiya
qafly main subha se ik shor hai
yehni ghafil hum chalay sota hai kiya
sabz hoti hi nahin yeh sar zameen
tukham-e-khwaish dil main tu bota hai kiya
yeh nishaan-e-ishq hain hain jatay nahin
daagh chati ky abas dhota hai kiya
ghairat-e-yousaf hai yeh waqay-e-aziz
mir is ko raigaan khota hai kiya
No comments:
Post a Comment