In jheel si gehri aankhon main
ik shaam kabhi abaad to ho
is jheel kinaray pal do pal
ik khwaab ka neela phool khilay
is phool ke behtay rangon main
jis qawat larazta chaan chalay
is waqat kahin in aankhon main
is basray pal ki yaad to ho
in jheel si gehri aankhon main
ik shaam kabhi abaad to ho
phir chaye samandar ki
her moj parishaan ho jaye
her khwaab guraizaan ho jaye
phir chahaye phool ky chaheray ka
her dard numayaan ho jaye
is jheel kinaray pal do pal
woh roop nagar ejaad to ho
din raat ky is aainay se
woh aks kabhi azaad to ho
is jheel si gehri aankhon main
ik shaam kabhi abaad to ho
No comments:
Post a Comment