Itni si dua hai keh anay wala her lamha
Haseen chahaton ky phool bakhshay urooj bakshay
Tumhari duniy main roshni ho
tumhari mehfil main kushiyaan hoon
Kabhi bhi tum tak dukhon ki dastak na ponch paye
Tumhari aankhon main jo sitaray chamak rahay hain
Youn hi chamaktay rahein hamesha
Tumharay dil tak judaeiyon , be'wafaiyon ki koi andheri kiran na ponchay
Khuda karay keh tum her aik dil ka qaraar looto
Tumhari her aik tamana her aik khwaish tumhari
Honton tak atay atay tumharay qadmon tak aa ponchay
Jo ho sakay to main tumharay sab dukhon ko apnay andar utaar loon
JAnta hoon yeh mumkin nahin magar dua to mera haq hai
Yeh muktasir duaon ka tohfa sambhaal rakhna
Meray andheron ki fikar chor do
Tum bas apna khyaal rakhna
No comments:
Post a Comment