Jab se tu ne mujhay dewaana bana rakha hai
Sang her shakhs ne hathon main utha rakha hai
Us ky dil par bhi karri ishq main guzri ho gi
Naam jis ne bhi mohabbat ka saza rakha hai
Pathron aaj meray sar pe barastay kiyon ho
Main ne tum ko bhi kabhi apna khuda rakha hai
Ab meri deed ki duniya bhi tamashai hai
Tu ne kiya mujh ko mohabbat main bana rakha hai
Gham nahin gul jo kiye ghar ky hawaon ne chraagh
Hum ne dil ka bhi dia aik jala rakha hai
Pee ja ayaam ki talkhi ko bhi hans ky nasir
Gham ko sehnay main qudrat ne maza rakha hai
No comments:
Post a Comment