Jis ko lenay taajron ka dasta nikla
Bikney aya to tawaqo se bhi sasta nikla
Apney seenay main chupaye huwey teri yaadain
Hum par her shakhs awazain kasta nikla
Hum ne her baat bhout soch samjh kar ki hai
Bas ik lafaz-e-mohabbat tha jo barjasta nikla
Woh jis ne paaon talay kitney paaon masal daalay
Kal wohi shaks mohabbat ko tarasta nikla
Teri muskaan se mansoob rahi rahat meri
Mera her gham tere gham se paiwasta nikla
No comments:
Post a Comment