Kuch to ay yaar ilaaj-e-gham-e-tanhaai ho
Baat itni bi na barrh jay k ruswai ho
Jis nay mujh ko bi tamasha sa bana rakha hy
Ab zaroori hy wohi aankh tamashaai ho
Doobny waalay to aankho sy bi kab niklay hain
Doobnay k liy laazim nahi gahraai ho
Me tujhay jeet bi tohfy me nahi dy sakta
Chahta ye b nahi me teri paspaai ho
Koi anjaan na ho sheher-e-muhabbat ka makeen
Kash har dil kì har ik dil sy shanasaai ho
Youn guzar jata hy , tery koochay se wo
Tera wakif na ho jeasy koi sodaai ho
No comments:
Post a Comment