.jpg)
Mohabbat kay anokhay thay sabhi andaaz , kiya kartay
Rahay hum bhi guraizaan , aap bhi na'raaz , kiya kartay
Sanam tujh se mohabbat ka bhala aaghaaz kiya kartay
Labon ne kehna chaha, par na thi awaaz , kiya kartay
Habib dil bhi kiya kartay , meray dam'saaz kiya kartay
Mujhay jab dard hi tha raas, chaara saaz kiya kartay
Hajoom-e-shaher main kho jaatay hain hum chain paanay ko
Akelay main staati thi teri awaaz , kiya kartay
Meray nazuk se dil ko us ne pal main tor daala tha
Ussay bhaati thi tootay kaanch ki awaaz , kiya kartay ?
Saja kar woh tabasum kitnay gham tum se chupaati thi
Magar anmol kay tum jaan kar woh raaz kiya kartay ?
No comments:
Post a Comment