Mohabbat se . inayat se , wafa se chot lagti hai
Bikharta phool hoon mujh ko hawa se chot lagti hai
MAin shabnam ki zubaan se phool ki awaaz sunta hoon
Ajab ehsaas hai , apni sdaa se chot lagti hai
Tujhay khud apni majboori ka andaza nahin shayed
Na kar ehad-e-wafa , ehad-e-wafa se chot lagti hai
Meri aankhon main ansoo ki tarah ik baar aa jao
Takaluf se , bnawat se , ada se chot lagti hai
No comments:
Post a Comment