Safar tanha nahin kartay

Safar tanha nahin kartay 

Suno, aisa nahin kartay 

Jissay shafaaf rakhna ho 

Ussay maila nahin kartay 

Teri aankhain ijaazat dain 

To hum kiya kiya nahin kartay 

Bhout ujrray huye ghar par 

Bhout socha nahin kartay 

Safar jis ka muqadar ho 

Ussay roka nahin kartay 

Jo mil kay khud se kho jaye 

Ussay ruswa nahin kartay 

Chalo tum raaz hho apna 

Tumhain afshaa nahin kartay 

Yeh oonchay pairr kaisay hain 

Kahin saaya nahin kartay 

Jo dhun ho , kar guzarnay ki 

To phir socha nahin kartay 

Kabhi hansanay se dartay nahin 

Kabhi roya nahin kartay 

Teri aankhon ko parhtay hain 

Tujhay dekha nahin kartay 

Sehar se pooch lo Mohsin 

Keh hum soya nahin kartay