Taluq torna chahey
Tu mujh ko chorna chahey
To meri shart itni hai
Tumhein jo de chuka hoon main
Mujhay lota do woh sab kuch !
Meray naghmay woh chahat kay
Woh sab tohfay mohabbat kay
Woh bheegi dairy meri
Woh sari shairy meri
Sabhi woh phool aur patiyan
woh meethi pyar ki batein
Kaho lota sako gay tum ?
Meray woh qeemati lamhay
Jo tujh ko sochtay guzray
Woh pal jo ik qayamat thay
Jo rasta dekhtay guzray
Khuda ko bhool kar woh din
Jo tujh ko poojtay guzray
Kaho lota sako gay tum ?
Haya ki chandani de di
Jiya ki raagni de di
Labon ki chashni de di
Hina ki roshni de di
Tujhay to zindagi de di
To phir woh zindagi meri
Kaho lota sako gay tum ?
Agar mumkin ho aisa to
Taluq tor lena tum !
Bhalay phir chor dena tum ?
No comments:
Post a Comment