Ta'aluq torta hoon to mukamal tor deta hoon
Jissay main chor deta hoon mukamal chor deta hoon
Mohabbat ho keh nafrat ho bhara rehta hoon shiddat se
Jidhar se aye yeh dariya Udhar hi mor deta hoon
Yakeen rakha nahin hoon main kisi kachay ta'aluq par
Jo dhaga tootney wala ho us ko tor deta hoon
Meray dekhay huye sapney kahin murda na ho jaein
Ghronday rait ky tameer kar ky phor deta hoon
Adeem ab tak wohi bachpan wohi takhreeb kari hai
Qafas ko tor deta hoon parinday chor deta hoon
No comments:
Post a Comment