Teray ishq ki intiha chahta hoon
Meri sadgi dekh kiya chahta hoon
Sitam ho keh wada-e-be'hijabi
Koi baat sabar azma chahta hoon
Yeh jannat mubarak rahay zahidon ko
Keh main aap ka samna chahta hoon
Zara sa to dil hoon magar shokh itna
Wohi lun'turani suna chahta hoon
Koi dam ka mehmaan hoon ae ehl-e-mehfil
Chraagh-e-sehar hoon bujha chahta hoon
Bhari bazam main raaz ki baat keh di
Bara be'adab hoon saza chahta hoon
No comments:
Post a Comment