Teri haseen aankh ky jaal main aa jaon ga main
Mujh ko lagta hai teri chaal main aa jaon ga main
Zindagi baad tere hona thi mushkil lakin
Yeh na socha tha keh is haal main aa jaon ga main
Dekh kar us ko mujhe yaad kare gi duniya
Aik din us ky khad-o-khaal main aa jaon ga main
Kitne masoom thay jo de kar mujhe tahnay guzray
Tum ko kehtay thay keh ik saal main aa jaon ga main
Sur main aa jaye ga jeewan tere jane se
Tere anay se kisi taal main aa jaon ga main
No comments:
Post a Comment