Teri kushboo ka pata karti hai
Mujh pe ehsaan hawa karti hai
Shab ki tanhai main ab to aksar
Guftagoo tujh se raha karti hai
Dil ko us raah pe chalna hi nahin
Jo mujhay tujh se juda karti hai
Zindagi meri thi lakin ab to
Teray kehnay main raha karti hai
Us ne dekha hi nahin warna yeh aankh
Dil ka ehwaal kaha karti hai
Be'niaz-e-kaf-e-dariya ang'gasht
Rait pe naam likha karti hai
Shaam partay hi kisi shakhs ki yaad
Koocha-e-jaan main sada karti hai
Mujh se bhi us ka hai waisa hi salook
Haal jo tera , ana karti hai
Dukh hua karta hai kuch aur bayaan
Baat kuch aur hua karti hai
Abar barsay to inayat us ki
Shaakh to siraf dua karti hai
Masla jab bhi uthay chiraghon ka
Faisala sirf hawa kari hai
No comments:
Post a Comment