Kabhi tum kitabon main kuchli hui koi titli jo dekho
to yeh jaan lena
Mujhay asmaan aur zameen ne kuchal kar tumhari kitabon main
Titli ki surat baqa baksh di hai
Kabhi phool tota hua koi pao
To yeh jaan lena
Mujhay meray andar ne khud tor kar Teray qadmon main naqsh-e-wafa kar diya hai
Kabhi koi sagar um'mandta jo dekho
To yeh jaan lena
Yeh meray hi ansoo hain Jo ab samandar main toofan banay hain
Kabhi phool titli samandar kinaray
Guzartay huye taray qadmon ko tham'mein
tu yeh jaan lena
Yeh main hoon jo thak ky yahan aa gaya hoon
Hamaray liye aisay din bhi likhay thay
Keh jin main ana ne fana ky safar main
kai dard jheelay
Kai roop dharay
Kabhi phool titli samandar kinaray
Kabhi rang kushboo ujala sitaray
to yeh jaan lena
to yeh jaan lena
No comments:
Post a Comment