Aksar sochti rahi
Main tumhari sab se ziada
pasandeeda kitaab ki tarah hoon
jo neend main bhi
tumharay seenay main khul kar rehti hai
tum mujhay parhtay ho
harf harf samjhtay ho
sparsh kartay ho
main aur bhi gehray utar jati hoon
tumharay ghar ke
konay konay main dekh jati hoon
wahan wahan jahan jahan
tum mujhay dhoondtay rahay
phir achanak kyn
seenay main rakhi kitaab ko
dhairon kitaab ke beech rakh diya
ek baar bhi nahin chaha
kitaab par jami dhool ko
hata doon
ussy usi jaga rakh doon
thora parh loon
aur keh doon
tum hi meri pasandeeda kitaab ho
No comments:
Post a Comment