.jpg)
Tum ho chukay kisi kay ya phir sataa rahay ho
Munh mor kar jo mujh se ab aisay jaa rahay ho
Tujh pe tha maan mujh ko tora hai is tarah se
Kar kay youn be'rukhi tum dil ko jala rahay ho
Meray liye wohi ab tariyaaq ban gaya hai
Jo zehar apnay haathon mujh ko pila rahay ho
Raahain badalnay walay yeh bhi to yaad rakhna
Dhoondo gay khud ussay tum jis ko ganwaa rahay ho
Aine ussay kaho keh jis dil main tum rahay thay
Ghairon kay saath mil kay wohi dil dukha rahay ho
No comments:
Post a Comment