Us ky honton pe utar ayi dua meray baad
Yeh bhi ssd shukar mera naam liya meray baad
Apni hasti se to waisay hi ussay nafrat thi
Woh to karta hi raha khud se jafa meray baad
Hosh apna na kisi shakhs ki pechaan ussay
Rog aisa hi koi us ko laga meray baad
Woh jo pathar ky khudaon main raha karta tha
Us ki aankhon se koi ashk gira meray baad
Us ko ehsaas hua meray bichar janey se
Us ne mehfal main mera zikar kiya meray baad
Baad marney ky ussay maang raha tha rashid
Mujh pe hansta hi raha mera khuda meray baad
No comments:
Post a Comment