Yeh hi wada liya tha na ?

Yeh hi wada liya tha na ?

Hamesha khush hi rehna hai 

To dekho 

Dekh lo aa kar 

Meri aankhon ko dekho tum 

YEh kitni shokh lagti hain 

Meray honton ko dekho tum 

Hamesha muskuraatay hain 

Koi bhi gham agar aaya 

Ussay hans kar saha main ne 

Meray chehray ko dekho tum

Hamesha pur'sakoon ho ga 

To socho gay yeh jaana 

Kiya tha main ne jo tum se 

Woh wada kar diya poora 

Magar aik baat hai pyaaray 

Kabhi jo waqat mil jaye    

To meri shairy parhna 

Tumhain mehsoos to ho ga 

KAhin talkhi bhara lehja 

KAhin pe sard sa lehja 

KAhin pe dard ki jheelain 

Kahin lehjay ki karwahat 

Suno 

Ghour se sun lo 

Main khush to hoon lakin 

LAhu her lafz rota hai 

Lahu her lafz rota hai