Juda juda rastay
Yaad ho ga tumhein jo bachpan main
Hum ne poda koi lagaya tha
Kis mohabbat se us ko seencha tha ?
Kis tarah dhoop se bachaya tha ?
Ik tana'war shajar kay roop main aaj
Dhoondta hai hamein woh shaam-o-sehar
Apnay rastay ko ab woh takta hai
Jab bhi jaata hoon us kay saaye main main
Woh tumhein bhi talaash karta hai
Chahnay par bhi keh nahin sakta
Tum meray saath ab nahin rehti
Apnay rastay juda juda hain ab
No comments:
Post a Comment