Zindagi ko dhuwan main urata raha
main bhi cigrate pe cigrate jalata raha
Reza reza hawaon main bikhray huye
Khwaab palkon pe chun kar sajata raha
Us ky anay ki umeed main raat bhar
main zameen pe sitaray bichata raha
Meri aaghosh main woh tulooh ho gaya
sharam se chaand chahera chupata raha
Aalam-e-rang-o-boo ki wohi hayo ho
Koi ata raha , koi jata raha
Hijar ky hath main loh mehfooz thi
Ishq likhta raha , woh mita'ta raha
Dil nahin hai , mizaar-e-mohabbat hai yeh
Jis pe amjad main chadar charhata raha
No comments:
Post a Comment