Aankhon se nikle
Mere chand ansoo
Palkon ke aanchal ko choo kar
JAb gulaabon ko tar kartay hain
Tu in ki garmahat
Kuch dair ko to
Mujhe ko teri yaad dila jaati hai
Doori ke andheron main
Yaadon ka ek deep jala jaati hai
Her qatray main tera aks youn jhalakta hai
Jissay shabnam ka paani pattiyon pe chamakta hai
Raat kitni hi gehri kiyon na ho jaye
Falak pe roz ik tara zaroor nikalta hai
Magar kon jane
Teri yaad main behtay
Yeh ansoo
Mehaz paani ki chand boondain hain
Teri furqat
Teri judai main beetay
Her pal her lamhay
Her dard her sapne
Ki woh tasveerain hain
Jo meri tanhaiyon ko youn ayan karti hain
Jaisay sehra ki tapti rait par
Baarish ki boondain khud ko jazab karti hain
Kon jane aakaash kiyon rota hai
Kon jane pyaar kiyon hota hai
Kiyon nafraton ke beej botay hain
Kiyon kushiyon ka shaher sota hai
Haan itna zaroor hota hai
Jafa ke daagh dhul jate hain
Ana ke phool khil jate hain
Ajnabi raaston pe chalty chalty
Kabhi apne bhi mil jate hain
Wafa ka bahana toot jaye to
Yahi apne rooth jaate hain
Zabat ki kashti doob jaye to
Taiz bahayo main beh jatae hain
Kiyon itni door chale jaate hain
Keh wapsi ke sab raastay mit jaatay hain
Magar kis ko pata hai
Kis ko khabar hai
Keh teri yaad main behtay
Yeh chand ansoo
Aaj bhi apni tapish
Apna naqsh chor jate hain
No comments:
Post a Comment