Ashaar meray youn to zamanay kay liye hain
Kuch shair faqat un ko sunanay kay liye hain
Ab yeh bhi nahin theek keh her dard mitta dain
Kuch dard kalajay se laganay kay liye hain
Aankhon main jo bhar lo gay to kaanton se chubhain gay
YEh khwaab to palkon pe sajanay kay liye hain
Dekhon teray hathon ko to lagta hai teray haath
Mandar main faqat deep jalanay kay liye hain
Yeh ilam ka soda ,yeh risaalay ,yeh kitaabain
Ik shakhs ki yaadon ko bhulanay kay liye hain
Poet : Jaan Nisaar Akhtar
No comments:
Post a Comment