Aur kiya reh gaya hai hone ko
Aik ansoo nahin hai ronay ko
Khwaab achay rahaingay un'dekhay
Khaak achi rahaye gi sone ko
Yeh maah-o-saal chand baaqi hain
Aur kuch bhi nahin hai khonay ko
Na'risaai ka ranj laye hain
Teray dil main kahin samonay ko
Chashm-e-nam , chaar askh aur idher
Daagh ik reh gaya hai dhone ko
Baithnay ko jaga nahin milti
Kiya karain orhnay bichonay ko
Tu kahin baith aur hukam chala
Hum to hain bas tera bojh dhonay ko
Yaad bhi teri mit gayi dil se
Aur kiya reh gaya hai honay ko
No comments:
Post a Comment