Awargi main hum ne is ko bhi hunar jana
Iqraar-e-wafa karna , phir us se mukar jana
Jab khwaab nahin koi , kiya zindagi ka karna
Her subha ko jee uthna , her raat ko mar jana
Aisa na ho dariya main , tum baar-e-giraan tehro
Jab log ziada hoon kashti se to tum utar jana
Sukraat kay peenay se kiya mujh pe ayaan hota
Khud zehar piya main ne tab us ka asar jana
JAb bhi nazar aao gi hum tum ko pukaarain gay
Chayo to tehro jana , chayo to guzar jana
No comments:
Post a Comment