Bachpan ka zamana hota tha
Khushiyon ka khazana hota tha
Chahat chaand ko paanay ki
Dil titli ka dewaana hota tha
Khabar na thi kuch subha ki
Na shaamon ka thikaana tha
Thak haar kay aana sachool se
Par khailnay bhi jana hota tha
Daadi ki kahani hoti thi
Pariyon ka fasana hota tha
Baarish main kaaghaz ki kashti thi
Her mousam sohana hota tha
Her khail main saathi hotay thay
Her rishta nibhana hota tha
Paapa ki woh daant ghalti par
Mom ka manana hota tha
Gham ki zubaan nahoti thi
Na zakhmon ka paimana hota tha
Ronay ki wajah na hoti thi
Na hansanay ka bahana hota tha
Ab na rahi woh zindagi jaisay
Bachpan ka zamana hota tha
No comments:
Post a Comment