Dil dukhatay rahay jee jalatay rahay
Hoslay dard ke azmatay rahay
Door itni na thi manzil-e-arzoo
Raastay doosron ko dikhatay rahay
Heela-e-soz thi mishal-e-arzoo
Khud jalatay rahay khud bujhatay rahay
Jaan pehchaan apni kahan ho saki
Log aatay rahay log jaatay rahay
Rang-o-boo ki jaga dhool hai khaak hai !
Phool gulzaar se khaar khaatay rahay
Saans lenay ki fursat kahan thi "adaa"
Yaad anay ko woh yaad atay rahay
No comments:
Post a Comment