Ghamon ki dhoop main bargad ki chaaon jaisi hai
Meray liye meri hamsheer maaon jaisi hai
Ho jaisay aik hi kumbay ki sari abaadi
Fiza hamaray mohallay ki gaaon jaisi hai
Haqeeqaton kay muqabil tehar nahin sakti
Puraani fikar bhi jhootay khudaon jaisi hai
Khalaa norodon ki manzil nahin paraao hai
Misaal chaand ki "Supra" sraaon jaisi hai
Poet : Tanveer Supra
No comments:
Post a Comment