Tanhai ka dukh gehra tha
Main dariya dariya roya tha
Ik lehar hi na sambhali warna
Main toofan se khela tha
Tanhai ka tanha saya
Dair se meray saath laga tha
Chor gaye jab saray saathi
Tanhai ne saath diya tha
Sookh gayi jab sukh ki daali
Tanhai ka phool khila tha
Tanhai main yaad-e-khuda thi
Tanhai main khouf-e-khuda tha
Tanhai mehraab ibadat
Tanhai mimber ka diya tha
Tanhai mera paya shakista
Tanhai mera dast-e-dua tha
Woh jannat meray dil main chuppi thi
Main jissay baahir dhoond raha tha
Tanhai meray dil ki jannat
Main tanha hoon , main tanha tha
No comments:
Post a Comment